أشكرك من اعماق قلبي

أشكرك من أعماق قلبي شكر جزيل
وأدين لك بالمعروف اللي فيني صنعته


أشكرك لأنك ذبحت فيني الحلم الجميل
وذبحت حب كل مافيك حبيته وعرفته


أشكرك عرفتني وشلون حبي مستحيل
لأني حبيت انسان كرهني وانا ماكرهته


أشكرك لأنك تنام وأنا أتوجع بنص الليل
أحلام سعيده عشاك لاشفت حلم قهرته


أشكرك علمتني أن صبري معاك طويل
والعمر اللي راح اكتشفت اني ماحسبته


أشكرك على الدرس اللي ماله أي مثيل
اللي بعد طيحتي سبحان الله حفظته


أشكرك لأني صرت بحياتك عابر سبيل
كثر الله خيرك ان مرت الصدفه وذكرته


أشكرك غدا جرحك دايم جاري التحميل
كفيت ووفيت وآخر حبل بيدك قطعته


أشكرك والصدق بحقك أحسه شكر قليل
لكن أن ماشكرت الناس كن ربي ماشكرته