السلام عليكم و رحمة الله تعالى و بركاته
باسم الله بديت و على النبي صليت و بهاذ البوقالات اليوم ليكم راني جيت
هاي ليكم ... انوو و خيرو رقم
و إذا عجبكم نزيدكم البافي
1♥ هبطت لقاع البحر فرشت زربية خرجت لي جنية قالتلي واش بيك يالبنية قلتلها راحو لحباب عليا و خلاوني وحدانية
2♥ لوكان السعد ينغرس بالعود نغرس ميات عود في وطية . بصح السعد بيدك يا معبود يا سقام السعد سقم لي زهري و خلي محبوبي يولي ليا
3♥ طلعت للغابة صبت الضرو يابس . قلتلو يا ضرو القمر يمشي ولا حابس . قالي مفرش زربية و حداه طاووس
4♥ رشيت عتبة االباب بالزهر و الطيب . و سقيت كامل لحباب بالعسل و الزبيب . و كي نسيت جاني جواب كنت نستناه من عند البعيد
5♥ مديت لقاع البير فرشت زربية . حرقست حرقوس ذهب من راسي لوذنيا . افرحي يا يما سعدي زها و استشفاي فالعدو اللي استشفى فيا
6♥ يما يما ديريلي تويقة فالجنان باش نشوف زهري كي تجيبو ذيك الوريقة
7♥ ديدو ديدو أنا سعدي مليح و قندلو ضاوي . البنيان اللي بنيتو كامل سجالي بنياني فوق غرفة و اللي يخصني يكملهولي الغالي
8♥ عسل يا عسل يا باقة خضرا . يا هميهت الغاشقين با قمرا . حلف سيد الملاح ما يرأس أمر غير إدا جات غزالته باش تكمل الحضره
9♥ الدالية دلات و تدلى العنقود . خلي القمر ينكشف و السحاب يذوب . و خلي لالات النسا تنال المرغوب
10♥ خرجت نهار الجمعة فيدي شمعة قالولي مسحي ذيك الدمعة و انساي الخلعة قريب يتلمو حبابك و صحابك و بفرحو معاك الجماعة